БАСПАСӨЗ ХАБАРЛАМАСЫ

2016 жылдың үздік спектаклі «ШИЕ»  «CHELoBEK ТЕАТРА» 

V Халықаралық кіші форм театр фестиваліне қатысады

        2017 жылдың  ақпан айының 27 мен наурыз айының 5 аралығында Челябі қаласында (Ресей)  МАУ «Спартак балалар мен жасөспірімдердің кино-театр орталығы» өткізетін  «CHELoBEK ТЕАТРА»  V Халықаралық кіші форм театр фестиваліне Астана қалалық Қ. Қуанышбаев  атындағы Мемлекеттік академиялық қазақ музыкалық драма театры А. Чеховтың «ШИЕ» комедиясымен қатысады. Қоюшы режиссері – Якутиядан арнайы шақыртылған танымал театр және кино режиссері, Якутияның еңбек сіңірген өнер қайраткері, Ресейдің ұлттық театрларының арасында өтетін «Золотая маска» сыйлығының иегері  Сергей Потапов. Спектакльдің бас суретшісі – Берік Бурбаев.

Аталмыш фестивальге Қазақстан атынан Қ.Қуанышбаев атындағы Мемлекеттік академиялық қазақ музыкалық драма театры екінші рет қатыспақ.  Былтыр, 2016 жылы «CHELoBEK ТЕАТРА»  IV Халықаралық кіші форм театр фестиваліне Қаллекиліктер А.Вальехоның «Күн сәулесі түспеген» психологиялық драмасымен қатысып, қазылардың жоғары бағасына ие болған еді.

Биылғы жылы «CHELoBEK ТЕАТРА»  V Халықаралық театр фестиваліне 90-ға тарта театр ұжымы өтініш білдіріп, фестивальдің  ұйымдастыру тобы 17 спектакльді таңдады. Театр фестиваліне – Қазақстаннан өзге Ресей, Тәжікстан, Өзбекстан мемлекетінен 17 театр ұжымы  қатысады. Спектакльдер Челябі қаласындағы – «Жаңа көркем театр», «Омнибус», «Наш дом» театрлары сахнасында өтеді.

 «ҚАЛЛЕКИ» театры «ШИЕ» комедиясын  3 наурыз күні сағат 19.30-да «Жаңа көркем театр»  сахнасында көрсетеді. 

«ШИЕ» комедиясы 2016 жылы Қазақстан драма театрларының XXIV республикалық  фестивалінен  «Үздік спектакль» номинациясын,  Орта Азия мемлекеттерінің «Қазақстан – Еуразия жүрегі» VI халықаралық Қазақстан драма театрларының фестивалінен  Гран-При жүлдесін ұтып алған еді.

«Театрдың ақпарат орталығы»

                        Управление культуры г.Астана